बुधवार, 30 सप्टेंबर 2026
फोटो सौजन्य- सोशल मीडिया
MbPA Recruitment 2026: नोकरीच्या शोधात असणाऱ्या तरुणांसाठी एक आनंदाची बातमी आहे.मुंबई पोर्ट अथॉरिटी (MbPA) अंतर्गत विविध क्लास I आणि क्लास II पदांच्या भरतीसाठी अधिकृत जाहिरात प्रसिद्ध करण्यात आली आहे. ही भरती सध्या एकूण २५ जागांवर होणार असून ऑनलाइन अर्ज आणि शुल्क भरण्याची प्रक्रिया सुरू झाली आहे. अर्ज भरण्याची २८ ऑक्टोबर २०२६ ही अंतिम तारिख आहे.
या भरतीद्वारे क्लास वन स्तराची २४ पदे भरली जाणार असून यामध्ये सहाय्यक कार्यकारी अभियंताच्या ५ जागा, कार्यकारी अभियंता (सिव्हिल) च्या १३ जागा, उप सामग्री व्यवस्थापकसाठी १ जागा, कार्यकारी अभियंता (टेलिकॉम/इलेक्ट्रॉनिक्स)साठी १ जागा, अकाउंट्स ऑफिसर ग्रेड I या पदासाठी १ जागा, सहाय्यक ट्रॅफिक मॅनेजर ग्रेड I साठी १ जागा, सहाय्यक इस्टेट मॅनेजर ग्रेड I पदासाठी २ जागा भरल्या जाणार आहेत. तर क्लास टू च्या सहाय्यक सुरक्षा अधिकारी १ जागा आहे.
यामध्ये क्लास I पदासाठी ५०,००० ते १,६०,००० रुपये मूळ वेतन असणार आहे. तर यामध्ये इतर भत्ते मिळून अंदाजे मासिक एकूण वेतन सुमारे ९४,५०० रुपयांपेक्षा जास्त असेल. तर सहाय्यक सुरक्षा अधिकारी (क्लास II) पदासाठी ४०,००० ते १,४०,००० रुपये मूळ वेतन तर मासिक एकूण वेतन सुमारे ७५,६०० रुपये + HRA मिळेल.
CAT 2026 : कॅट परीक्षा देताय! मग ६ ऑक्टोबरपर्यंत अर्जातील ‘या’ गोष्टीमध्ये करता येणार बदल
या पदासाठी इच्छुक उमेदवाराचे वय १८ ते ३० वर्षादरम्यान असणे गरजेचे आहे. (मागासवर्गीय आणि नियमांनुसार कमाल वयोमर्यादेत सवलत लागू).
इच्छुक व पात्र उमेदवारांनी मुंबई पोर्ट अथॉरिटीच्या अधिकृत संकेतस्थळावरून (www.mumbaiport.gov.in) “People & Career/ Jobs” या मेनूमध्ये जाऊन ऑनलाइन पद्धतीने अर्ज करणे आवश्यक आहे. इतर कोणत्याही माध्यमातून अर्ज स्वीकारले जाणार नाहीत.
